Xalqaro kurash instituti O'zbekistonda tashkil etiladi.

Bu prezident tomonidan qabul qilingan qarorda ko'zda tutilgan.

Xalqaro kurash instituti milliy sport turini xalqaro darajaga olib chiqish, xalqaro malakali murabbiylar va hakamlar tayyorlash, ularning qayta tayyorlanishi va malakasini oshirish tizimini joriy etish, shuningdek, ularni chet elda o'qitish bilan shug'ullanadi.

Bundan tashqari, institut kurash bo'yicha ilmiy-tadqiqot loyihalarini amalga oshiradi va o'quv-uslubiy hamda ilmiy-amaliy qo'llanmalarni ishlab chiqishni tashkil etadi. Shuningdek, institut milliy kurashning yangi yo'nalishlarini joriy etadi va ularni ommalashtirish bo'yicha chora-tadbirlar ko'radi.

Hujjatga ko'ra, O'zbekistonning chet eldagi diplomatik vakolatxonalari Xalqaro kurash assotsiatsiyasi va Xalqaro kurash institutining xalqaro darajada kurashni rivojlantirish va ommalashtirish bo'yicha ishlarini qo'llab-quvvatlashi kerak. Katta mahalliy tadbirkorlar assotsiatsiyaning rasmiy homiylari sifatida jalb etiladi.

Eslatib o'tamiz, bu yilning may oyida Shavkat Mirziyoyevga sport ta'limini rivojlantirish va kurash bo'yicha xalqaro musobaqalarni o'tkazish rejalari taqdim etilgan. Ulardan biri – olimpiyacha shahrida Davlat akademiyasini va mahorat maktablarini tashkil etishdir.