Yevropada Amir Temur davriga oid juda noyob Qur'on qo'lyozmasi topildi.

Ma’lum qilinishicha, xususiy kolleksiyada saqlanayotgan noyob qo'lyozma bir necha o'n million dollar baholanishi mumkin.

Timuridlar davrida yaratilgan ajoyib Qur'on qo'lyozmasi London shahrida joylashgan Christie's auktsion uyi yordamida topilgan. Bu haqda Fransiyaning Milliy ilmiy tadqiqot markazi islom tadqiqotlari bo'limi rahbari professor Karim Ifraq Toshkentda o'tkazilayotgan Xalqaro madaniy meros haftaligi doirasida ma’lum qildi. Uning so'zlariga ko'ra, hozirda xususiy kolleksiyada saqlanayotgan ushbu noyob qo'lyozma bir necha o'n million dollar baholanishi mumkin.

Professor Karim Ifraq:

«Ushbu qo'lyozmaning tarixi XIV-XV asrlarga borib taqaladi. Uning yaratilishi ramziy ahamiyatga ega, chunki undagi har bir so'z oltin siyoh bilan yozilgan. Kitob zamonaviy texnologiyalarisiz shunday uslubda yaratilgani uning yanada ulug'vor va qimmatbaho bo'lishini ta'minlaydi. Ba'zi manbalarda u ham "Ko'k musxaf" deb nomlanadi. Uning yaratilishida to'rtta noyob rangdan foydalanilgan bo'lib, matn Andulusiyada mag'rib yozuvi yordamida kumush siyoh bilan qayta yozilgan. Qo'lyozmada o'sha davrda keng tarqalgan nasx uslubida bajarilgan yuqori sifatli arabcha kaligrafiya mavjud. Timuridlar qo'lyozmalari yuqori sifatli materiallar, jumladan, nozik qog'oz va tabiiy pigmentlardan foydalangan holda yaratilgan. Oltin qoplama esa vizual jozibadorlikni oshirish uchun ishlatilgan».

Ushbu nusxada Timuridlar sulolasining madaniy va diniy qadriyatlari aks etgan bo'lib, Qur'onning islom olamidagi ahamiyati haqida ham so'z yuritiladi. Bu Timuridlarning islomiy bilim va san’atni saqlash va rivojlantirishga bo'lgan intilishlarini ko'rsatadi.

Shuningdek, bunday qo'lyozmalar turli kolleksiyalarda saqlanayotgani va ularning kelib chiqishi tarixiy, san'at va diniy ahamiyati bilan bog'liq ravishda o'rganilayotgani ma’lum qilinmoqda. Hozirda O'zbekistondagi Islom tsivilizatsiyasi markazi O'zbekiston madaniy merosini o'rganish, saqlash va targ'ib qilish bo'yicha Jahon jamiyati bilan hamkorlikda qo'lyozmaning faktimilyar nusxasini yaratish va uni O'zbekistonga qaytarish bo'yicha muzokaralar olib bormoqda.

Bundan tashqari, O'zbekiston madaniy merosi haftaligi davomida ko'plab boshqa yangiliklar e'lon qilindi. Xususan, Uzbek-xon va Amir Temurning avlodlari tomonidan yozilgan Qur'on qo'lyozmalari, shuningdek, Baburiylar davriga oid murakkalar topildi. Boshqa muhim ilmiy va madaniy yangiliklar orasida Ipak yo'li haqidagi video o'yin yaratish va O'zbekiston hududida topilgan birinchi petroglyphlar to'plamini tayyorlash kabilar mavjud.